في مــنــــامي
زارني طيفك البارح وطــوّل بالـزيارة
وجلست الصورة معايه تكلمني بالمنام
وشفت الطيف يسامرني ويطري حكايه
وعلوم بأخبار من قلبـن ..... مـستهام
وســاعة يـضـحــك وساعة يبكي معايه
وانا والطيف في الليل يضـوّيـنا الغرام
وشفت النجم والقمرفي نومـي مــعـايـه
تناظـر صورة الطيف وتـسـمـّع للـكلام
وتشاركني الهم وترسم خـطوط الحكاية
على صـفـحة سـمـاها وتحكـيها للأنــام
فكنتي الصورة و إنتي أصــل الـبـدايـة
وإنتي الحكاية وقصتي وأحلامي بالمنام
يا واقعي يا حلمي ياروحــي وســمــايـه
يا منية القلب والروح وحـبـي والـغـرام
إنتي أنا روحين تقابلوا في ذر الـبــدايـة
واتآلفت الارواح منها في قصر السـلام
فلا بد جامع لنا رب ن كريم العطاية
وتدرك الآمال بما خـطت بها الأقــــلام
فيارب ّ يا سامع شكوتي بسابع ســمـايه
يا ناظر عيون الدمع لها يخـــط بـــآلام
حقق الأحـــلام تـصـبح حـقــايق نـهاية
وتشـرق الشـمـس على الارواح أعـوام
بواحمد
12 \ 12 \ 2011
